interviews

ITANONG MO KAY PROF: Podcast on the US war on terror (Part 4)


“Makapangpayarihan ang US hindi lamang dahil sa monopolyo kapital nito kundi dahil sa malaking lakas militar nito, laluna ang kanyang hightech military equipment.

Ginagawang negosyo ng US ang paggawa ng mga military equipment at ginagamit nito ang mga kagamitan na ito para sa mga gerang agresyon para mangibabaw sa mga bansang may malaking likas yaman, laluna sa gas at langis. Pero magastos ang gera, masyadong magastos at itinataya ang kabang yaman ng bayan at buhay ng mga sundado. Sa agresyon ng US sa Irak at Afghanistan, naglustay ang US ng higit na 4 na trilyong dolyar at libu-libong buhay ng mga Amerikano. Kung gayon, nagagalit ang masang Amerikano sa paglustay sa malaking pera ng bayan at buhay ng mga Amerikano.

Lumaban sa US at nagwagi ang mga mamamayan ng Korea, Cuba, Byetnam, Kambodya at Laos.” – JMS

Published on Feb 18, 2015

Panayam ng Kodao Productions kay Prof. Jose Maria Sison hinggil sa war on terror ng US.

February 17, 2015

5. Bakit po kaya sinasabing makapangyarihan ang US sa lahat ng mga bansa sa daigdig? Hindi po ba talaga maaaring tumutol ang isang bansa kung ayaw nila sa mga polisyang pang-ekonomiya na inilalako ng US sa kanila?

Read more

ITANONG MO KAY PROF: Podcast on the US war on terror (PART 3)


“Ang Pilipinas ay malakolonya ng US. At ang gobyerno sa isang malakolonya ay papet lamang sa US. Kung gayon, tinatawag na papet at sunudsunuran ang presidente na si Aquino.

Malaki ang ganansya ng US sa pakikialam nito sa ekonomya at pulitika ng Middle East. Kinokontrol, dinadambong at pinagkakatubuan ng US ang mga likas na yaman (laluna ang gas at langis), ang palengke at larangan ng pamumuhunan.” – JMS

Published on 19 Feb 2015

Panayam ng Kodao Productions kay Prof. Jose Maria Sison hinggil sa war on terror ng US.

February 17, 2015

3. Ano po ba ang relasyon ng Pilipinas sa US at bakit sinasabing sunudsunuran si Aquino sa US?

Read more

ITANONG MO KAY PROF: Podcast on the US war on terror (Part 2)


“Ang Mamasapano incident tungkol daw kay Marwan, isang tao mula Malaysia at kanyang kabig na Moro. Sinasabi ng US na nakapaloob si Marwan o kaya ang Mamasapano incident sa war on terror para lamang ipaggumiit ng US na may lisensyang makialam sa Pilipinas at mag-utos kay Aquino, Purisima at SAF.” – JMS

Published on 18 Feb 2015

Panayam ng Kodao Productions kay Prof. Jose Maria Sison hinggil sa war on terror ng US.

February 17, 2015

2. Bakit po ipinapaloob ang “Mamasapano incident” sa war on terror po ng US?

Read more

ITANONG MO KAY PROF: Podcast on the US war on terror (Part 1)


“Sa tinawag ng US na war on terror, sinasabi ng US na ito ay perpetual at borderless, walang hangganan sa panahon at teritoryo at walang depinidong estado na kalaban ng US. Basta ipinapalagay ng US na kalaban niya sa gera ang alinmang maliit na pulutong na sinasabing terorista sa anumang bahagi ng daigdig at ginagawang lisensiya ito para manghimasok ang US sa anumang bansa.

Ito ay pakunwaring gera at kathang isip lamang ng US na inumpisahan ni Bush magmula 9-11. Hindi gera ito na nakabatay sa depinisyon ng gera sa ilalim ng international law. Sa tunay na gera ng mga estado may deklarasyon ng gera mula sa isa o magkabilang panig o kaya sa isang gera sibil ng nakatayong estado at kilusang rebolusyonaryo may deklarasyon ng gera mula sa isa o magkabilang panig. Kung ang isang maliit na grupo ay gumawa ng krimen, tinutugis ito bilang isang police matter at hindi bilang isang matter of war sa pagitan ng mga hukbo.” – JMS

Published on Feb 18, 2015

Panayam ng Kodao Productions kay Prof. Jose Maria Sison hinggil sa war on terror ng US.

February 17, 2015

1. Ano po ba ang ibig sabihin ng US war on terror?

JMS: Sa tinawag ng US na war on terror, sinasabi ng US na ito ay perpetual at borderless, walang hangganan sa panahon at teritoryo at walang depinidong estado na kalaban ng US. Basta ipinapalagay ng US na kalaban niya sa gera ang alinmang maliit na pulutong na sinasabing terorista sa anumang bahagi ng daigdig at ginagawang lisensiya ito para manghimasok ang US sa anumang bansa.

Read more

ITANONG MO KAY PROF: Podcast on the senate hearing on the Mamasapano encounter (Part 3)


Published on Feb 12, 2015

Panayam ng Kodao Productions kay Prof. Jose Maria Sison hinggil sa naganap na senate hearing tungkol sa Mamasapano encounter.

February 10, 2015

3. Mararamdaman ang galit at biased na kaagad na pagtingin ni
Senator Alan Peter Cayetano laban sa MILF at BIFF at gusto pa niyang pag-awayin ang dalawang grupo para patunayan ang sinseridad sa usapang pangkapayapaan ng MILF sa pamahalaan. Sinabi rin niyang kinakanlong ng mga grupong ito si Marwan. Ano po ang inyong masasabi dito?

Read more

ITANONG MO KAY PROF: Podcast on the senate hearing on the Mamasapano encounter (Part 2)


Published on Feb 11, 2015

Panayam ng Kodao Productions kay Prof. Jose Maria Sison hinggil sa naganap na senate hearing tungkol sa Mamasapano encounter.

February 10, 2015

2. Parang maaabswelto pa yata si Purisima bilang operator ng Oplan Exodus at madidiin ng husto si Napeñas. May komento po ba kayo sa bagay na ito?

Read more

ITANONG MO KAY PROF: Podcast on the senate hearing on the Mamasapano encounter (Part 1)


“Ang US ang nagmamando kay Aquino mismo sa pinakamataas na antas. At si Aquino naman ay sadyang umakto sa labas ng chain of command ng PNP at AFP. Sapat na sa kanya na si Purisima at Napeñas ang inuutusan niya. Siya lang ang makakapagpakilos sa suspendidong PNP chief na Purisima at halos 400 kawal ng SAF nang walang pakialamanan ang PNP officer in charge na si General Espina.

Si Aquino at Ochoa ang madalas na may contact sa mga Amerikano na nasa Joint Staff. Nasa US drone command base sila sa Zamboanga City. Lantaran ang pakialam ng US sa Oplan Wolverine o Exodus. Binalak at ginawa ang oplan sa balangkas ng tinaguriang war on terror ng US. Ang US ang naghahabol kay Marwan at may alok pang malaking reward money. Merong US drone na nagsubaybay sa assault team. May Amerikanong namatay sa operation. At Evergreen helicopter ng CIA at mga American officers ay kitang kita sa retrato ng retrieval operation sa mga patay at sugatan ng SAF.” – JMS

Published on Feb 11, 2015

Panayam ng Kodao Productions kay Prof. Jose Maria Sison hinggil sa naganap na senate hearing tungkol sa Mamasapano encounter.

February 10, 2015

1. Sa senate hearing kanina, malaking pansin na wala sinuman sa mga heneral ng PNP, SAF at AFP na nagtukoy na kasama nila sa operasyon sina President Noynoy Aquino at ang US, o kung ang mga ito ay may papel sa Mamasapano encounter. Ano po ang inyong pagtingin sa ganitong kaisipan ng mga kasundaluhan at kapulisan ng pamahalaan?

Read more

ITANONG MO KAY PROF: Podcast on Pnoy’s second national address (Part 4)


“Ang unang singilin sa pagpapahamak sa mga namatay na SAF 44 at iba pang tao ay sina Aquino, Purisima at si Ochoa. Ang tatlong ito ang pinakaunang dahilan sa pagkamatay ng mga SAF. Sila ang managot kung bakit hindi sila gumawa muna ng konsultasyon at koordinasyon sa MILF. Hindi nangyari ang sagupaan sa Mamasapano kung iginalang nila ang ceasefire agreement sa MILF.” – JMS

Published on Feb 7, 2015

Panayan ng Kodao Productions kay Prof. Jose Maria Sison hinggil sa pangalawang pahayag sa publiko ni Presidente Noynoy Aquino tungkol sa Mamasapano tragedy.

Pebrero 6, 2015

4. Bahagi pa rin ng kanyang talumpati ang paniningil sa BIFF at
MILF na tila bagang ang mga ito ang dapat singilin sa sinapit ng SAF 44. Ano po ang masasabi ninyo dito?

Read more

ITANONG MO KAY PROF: Podcast on Pnoy’s second national address (Part 2&3)


“Impertinente ang mga ganitong salita ni Aquino. Kahit magkasintahan pa sila ni Purisima hindi pertinente ito sa ginawa nilang krimen na pagpapahamak sa mga kawal ng SAF.”

===

“Hindi ba sa ngalan ng estado ang paggamit at pagpapahamak ni Aquino sa mga pwersa ng SAF sa Mamasapano? Dati bang akala niya na naglaro lamang siya ng video game nang pinapasok niya ang SAF sa Mamasapano nang walang pahintulot at koordinasyon sa MILF. Sinagasaan niya ang BIFF at MILF at ipinahamak niya ang mga namatay na SAF.” – JMS

Published on Feb 7, 2015

Panayan ng Kodao Productions kay Prof. Jose Maria Sison hinggil sa pangalawang pahayag sa publiko ni Presidente Noynoy Aquino tungkol sa Mamasapano tragedy.

Pebrero 6, 2015

2.Ibinahagi ni Noynoy ang mga kabutihan diumanong ginawa ni
Purisima sa kanilang pagsasama simulan pa noong siya ay congressman pa lamang at parang sinasabi niya na masakit din na tanggapin ang resignation nito sa tungkulin. Ano po ang opinyon ninyo sa bagay na ito?

Read more

ITANONG MO KAY PROF: Podcast on Pnoy’s second national address (Part 1)


“Hindi totoong tumatanggap ng responsabilidad si Noynoy sa unnecessary at avoidable na pagkamatay ng 44 na kawal ng SAF at iba pang tao. Hindi niya tinatanggap nang maliwanag na sila ni Purisima sa mula’t sapul ang nagbigay ng go-signal sa Oplan Wolverine at nagsubo sa mga biktima sa kanilang kamatayan. Hindi rin niya tinatanggap na siya mismo ang nagbigay ng stand-down order na pumigil sa pagsaklolo ng 315 na SAF sa 77 SAF na napalaban. Pinigil din niya ang Army sa pagsaklolo sa mga naipit sa maisan.

Aroganteng idinidiin ni Aquino na siya ang Ama ng Bayan at responsabilidad niya na tulungan ang mga pamilya ng mga kawal ng SAF na pinatay habang siya ang presidente. Hindi niya tinatanggap na siya ang nagpahamak sa mga kawal niya. Inabswelto pa niya ang sarili at sinabing mananatili pa siyang presidente nang 17 buwan.” – JMS

Published on Feb 7, 2015

Panayan ng Kodao Productions kay Prof. Jose Maria Sison hinggil sa mga ipinahayag sa publiko ni Presidente Noynoy Aquino tungkol sa Mamasapano tragedy.

Pebrero 6, 2015

1. Ano po ang inyong masasabi sa pangkabuuan ng ipinahayag ngayong
gabi ni President Noynoy Aquino hinggil sa usapin pa rin ng Mamasapano
tragedy?

Read more